Il racconto del weekend calcistico isolano in limba sarda a cura degli amici di Amistade.
Casteddu fit Casteddu anticamente, tando, oe su campu nou pòdet isetàre
Casteddu torràt a rùere. Una gara bìnchida a Verona e duas perdidas, una fatu a s’àtera una in domo còntra s’udinese e pustis a Como, ambas iscuadras sarvas dae meda. Como accudìnt in Sardigna, sos venetzianos cun s’abba a bula e sa die de sa festa pro sos sardos torràt a faghere a oriolu mannu. No si podet pius pensare a una faddina, ca si pèrdimus, tando toccat de si giogare sa salvesa a Napoli, in s’urtima die…e custa tiad poder’essere sa sagunda salvesa balantzada in sos urtimos duos minutos, chena immentigare tando, chi no est onzi die Pasca.
Torres imbrunciàt male in domo de sa “Dea”, e pèrdet 7-1
Su bisu pius mannu si faghet a ìncubu pro sa Torres, còntra s’Atalanta. Nudda ‘e ite faghere pro sos sardos, trampados dae sa classe de omines comente Vavassori, chi dae s’annu chi benit amus a bidere gioghende in serie A e forsis in Europa. S’attacu tattaresu at faddidu totu cussu chi si podiat faddire a incomintzu e sa defesa no fit pronta a frimmare sos dimonios lombardos, chi como dèvent furriari a Tattari, inue podimus sarvare s’onore. Issos cunservant como su derètu de bisare sa serie B. Nois podimus solu faeddare, chircare su pruite, imparare e narrere semper, in sa bona e in sa mala sorte, fortza Torres, a un’àter’annu metzus.
Mario Bua Capitta, Amistade
