Il racconto del weekend calcistico isolano in limba sarda.
Casteddu si la giogàt pro unu tempus, còntra sos campiònes de s’inter
No si potet nàrrere, comente àteras vìas, chi sos sardos àiant potidu faghere de piùs, ca sos lumbardos sunt tropu innànti, e no solu pro Casteddu. Como mastru Nicola, dèvet tribagliare pro torrare a domo animu e bàlia connotta, paris cun s’ischire, ca in seri A no s’agatat sarvèsa fatzile. Barella, nàschidu e pàschidu in Casteddu at detzisu sa gara cun duos assist de “autore”. Sa chistione chi meda amigos in campu e in donzi bidda sarda si preguntant, est pruite no amus investidu subra su campione? Pruite devimus semper penare pro Casteddu?., pro s’iscuadra amada dae unu populu comente sa nostru?.. No l’amus fatu pro Zola e nemmancu pro Barella. Su tempus bennidore e S’istoria nàrant chi s’idea at rèsu ‘ene in antigòriu, a Cagliari comente in àteros logos, deris in Udine (Di Natale), comente a die de oe in Bergamo. Barcellona ispòrtiva s’est fata manna in su mundu, gratzias a su populu catalànu…e sos sardos?..
Olbia arriscàt de pèrdere s’ùrtimu trenu
Sa pigada pro sos terranoesos si faghet semper piùs mala. Giogàdores faeddant male de un’assotziu… Nois totu, ispèramus chi nono.. Si custu tiad essere beru sa crisi si faghet piùs funguda e iscura…ca cun 16 puntos sa salvèsa paret gal’attesu. Como no si cumprendet bene ite pensant sos meres nosos e chie cumandat como, sos turcos o sos isvitzeros…sos sardos, giogadores in primis, abbarrant insegus. Forsis Babbo Natale o sa Befana ant a carrare bonas novas…
Sa Torres tancàt s’annu cun bon’ ispèru
Su 2024 nàrat chi Tatthari at unu bisu e unu progetu. Sos sardos ischint bene chi sa serie B no est unu giogu pro criàduras minores. Ateras’iscuadras ant pius connottu ‘e dinari, ma pro sos sardos de su cabu e subra, su tempus sou s’est accurtziende, paris cun s’ischire e su famine de vittoria e de riscattu. No giuàt a s’illudere, ma seguru est chi no mancàt s’atza, sa bàlia e su desitzu de bi proare. Tot’umpare si potet..
Bonas fines e metzus incomintzu, Mario Bua Capitta, Amistade
