agenzia-garau-centotrentuno

Sinnos dae su mundu de sa fùbbal sarda

Scopri il nostro canale su Telegramle-notizie-di-centotrentuno-su-telegram

Il racconto del weekend calcistico isolano in Limba Sarda a cura degli amici di Amistade.

Dominiga de ammentare pro Thatthari e Casteddu, Olbia isetàt metzoru
Mastru Nicola Pèrdet male su primu tempus, ma bìnchet bene meda su segundu, tando Casteddu ponet in bertula tres puntos de impòrtu mannu. Pruite mannu?..namus puru,comente prim’impressiòne,chi nos semus istejàdos dae sa giànna ‘e s’inferru, sa serie B, e custa no est cosa de pagu contu. Namus puru chi in su logu nou balantzadu, sa neula est pius lebia, tando colant metzus sos primos rajos soliànos e dae attesu si potet isperiare su tempus bennidore. Como, chena iscasciàre su cherveddu, si potet pensare de tuccare a Torino, domo mesu sarda, pro chircare puntos. Emmo si potet pareggiare o perdere puru, ca sa bòccia est tunda, chena mai perdere su coraggiu e sa dignidade però. S’àtza bogada in-foras in sa Domus sarda, donat bon’isperu. Sos numeros bi sunt. Amus unu bardianu chi donat segurèsa a sa defesa ma no solu, un’scuadra pisedda ma unida e omines chi setzint mudos e chiètos in panchina, ma cando rupint in campu, mudant su destinu de sa gara. No cherzo mancu immentigare sos sardos chi cun sacrifitziu, donzi abbojat a su campu, carrende sa fortza de un’amore mannu: Casteddu. Sunt meda, sabios e ben’unidos…

Sa Torres si donàt una bìnchida noa in domo sua. Custa olta bi pensant Mastinu, cun una rete fata a sa moda ‘e Totti babbu e Diakite cun una gemma pretziosa, pustis chi Di Nardo aiat sinnadu pro Campobasso a su terzu minutu. Como sa Torres est terza, paris cun Ternana a 45 puntos. A 50 b’est s’Entella. Sos numeros narant chi si potet bisare. Meda dipende, dae sa continuidade chi s’iscuadra resessit a si donare dae como, fintzas a sa fine. Lu cantat puru Francesco Demuro,in su Vanni Sanna, cun boghe de chelu.

Olbia torrat a pèrdere, in domo antzena custa olta, ma custu no allevìat sa crisi. Olbia cheret bìnchere pro si faghere amare dae sa tzente sua, ma sa terra s’est sicchende. Su capitanu dèvet lassare sa barca terranoesa, in sa chirca de àteros mares. Chie abbarrat no paret meda cuntentu. Sa conca de s’assotziu donat solu promissas, una est chi Ragatzu torràt.Ma parent totu solu promissas, fatas indebadas. Nois chi mai immentigamus, comente sardos e comente terranoesos, sa lughe donada a Olbia e sa Sardigna dae cust’iscuadra, nois tot’umpare isperamus chi sa tempesta at a passare, pro sos bardianos de su faru. Su poete nàrat chi si s’avvrèschida noa at a torrare a caentare su granitu, e at a essere gratzias a sos fitzos nosos de custa terra…forsis, isperamus. Però preparamus s’ainu puru.

Mario Bua Capitta, Amistade

Notifiche
Avvisami se ci sono
guest
0 Commenti
Inline Feedbacks
Vedi tutti i commenti