Il racconto del weekend calcistico isolano in Limba Sarda a cura degli amici di Amistade.
Cando Casteddu giogat pro su puntigheddu, tando pèrdet sa bàlia e su cherveddu
Casteddu torràt vintzente dae Verona e pèrdet in domo chena mancu gherrare meda. E a s’udinese no paret galu beru. Sos friulanos accudìnt silentes in Sardigna, chena sos omines pius titolados e segura de sa salvesa balansàda dae tempus. S’iscuadra sarda paret pensada pro sa defesa, pius che àteru, duos medaianos, tres terzinos e una mesania chena fantasia né ideas, bona solu a isbatzinare a fundu ‘e campu. Tando Udinese leat subitu su cumandu. Dae sas faddinas si potet semper imparare, ma abbarrant solu tres garas…pro oe paga festa, chena immentigare chi sa salvesa est s’iscudeto sardu.
Torres tribagliat pensende a sos playoff
A sa Torres giogat còntra sos amigos tempiesos e cunservat su derètu de bisare sa serie B. Fortza Torres, a cara manna!!!
Olbia apparinàt 3-3 in domo còntra Gelbison, balansàt sa sarvèsa segùra e pensàt a su tempus bennidore
Olbia Calcio 1905, bìnchende 3-1 su primu tempus , si lassat tennere 3-3 a sa fine, ma balansàt unu puntu pesudu, in sa gara bonu a mantennere sa serie d, paris cun sos tattaresos de su Latte Dolce, ch’ispònnent 1-1, in domo de sa Paganese. Ilvamaddalena perdet 4-1 còntra Trastevere, su COS, chi si lassat poddàre 2-0 dae sa Paganese, a ambos toccàt giogare sos playout. Atletico Uri malaventurada, ruet in Eccellenza, a torrare luego in serie D, isperamus.
Mario Bua Capitta, Amistade
