Il racconto del weekend calcistico isolano in Limba Sarda a cura degli amici di Amistade.
Casteddu gherràt e bìnchet, sa serie A si potet gàlu bisàre
S’iscuadra at torradu a bogàre a pìzu bonas ideas, cun coro e identidade, in pius oe cun sa pascentzia de sos fortes. Mastru Niola ast meda preigadu còntra sa presse, còntra sa gana de tancare sa gara chena ìsetare su tempus sou e Casteddu at cumpresu bene ìte faghere. Tribagliu cumpridu comente si toccàt. Cagliari 2, Parma , in custu mamentu de su campionadu, cheret narrere tres puntos pesudos pro sa classifica,ma puru balantzare s’atza impitada còntra Atalanta e Juventus subra totu, ma puru in sas àteras garas chi nos isetant in tempus bennidore.
Sa Torres si dèvet accuntentare còntra Gubbio: 0-0
Sa chirca de sa bìnchida no at donadu bonos frutos custa dominiga. fischnaller, Varela cun Zamparo e s’iscuadra tota ant proadu cun sa bàlia connotta, ma Venturi, bardianu istrantzu at nadu unu santu chi nono.Solu sa linna de su palu at frimmadu sa conca de Fishnaller ma sa bòcia est tunda e a s’urtimu minutu Gubbio potiat puru bìnchere…Tando sa Torres abbarrat terza, creschet su tretu dae sa prima -7, ma su caminu est galu longu e tocat de mudare s’amargura in atza, pensende chi como benit sa gara còntr’Arezzo e in dom’issoro no at a essere una passitzàda.
Olbia frimmat sa cursa de sa capolita Cassino
Olbia cheret bìnchere pro che pigare atzigu a su cabu ‘e subra de sa classifica, ma sa còntra si narat Cassino, sos laziales sunt primos in classifica e cherent torrare a giogare in serie C, cun meritu. Gasì narat su campu. Sos terranoesos s’accurtziant, gratzias a custu puntu a sa sàlvesa derètta. Achividu su tribagliu si potet torrare a bisare, su caminu est longu, ma custu narat nòdidu sa gara ‘e oe.
Mario Bua Capitta, Amistade
