Il racconto del weekend calcistico isolano in Limba Sarda a cura degli amici di Amistade.
Casteddu no fùit dae su destinu
Casteddu no potiat bìnchere in domo de su mere ‘e sa fùbbal italiana, s’ischit. Còntra Barella, Martinez e cumpantzos, mancu a lu pensare…invece est abbarradu su timore de leare una podda manna, diffitzile a immentigare pro meda tempus… chi àiat potidu imbruttare s’isperu de una salvesa, bene gherrada dae mastru Nicola, e s’assotziu tot’umpare. Tando sa semida seberada est’ìstada cussa de una morte durche, che tribulia manna. In su segundu tempus s’Internazionale at pensadu a sos bavaresos e s’est pasada. Ma cando su Cagliari at abbertu sa gara cun Piccoli, giogadore de su tempus bennidore chi devet galu creschere, tando sos milanesos in pagos minuto an’torradu a tancare buttega.
Torres accoglìt tres puntos in domo ascolana e abbarràt terza
Sa Torres, carràt a Tatthari tres puntos de oro gratzias a sas retes de Zecca e cussa de Nanni a su minutu 96…duas retes, ambas de conca in una gara semper in pigada, inue sa bardianu sardu Zaccagnu est’istàdu mentovadu metzus omine in campu. Como sa Torres, alantzàda sa bìnchida, e postu su terzu logu de sa classifica in bertula, devet pòdere pensare a chircare s’atza e sa balia impitadas pro si giogare sa serie B, còntra sos gherradores contrarios, in sos play-off.
Olbia balantzàt unu puntu a Terracina: 0-0
Sa gara Ispònet chena accontentare perùna iscuadra in gara. Sos terranoesos, ant gherradu pro bìnchere, Ragatzu at colpàdu puru sa linna ‘e su palu, ma no b’at àpidu nudda ‘e ite faghere…como no giuàt a timire, si potet galu balantzare sa salvesa deretta, gasì comente Sassari Calcio Latte Dolce, chi in Tattari at poddadu su Cassino Calcio cun meritu mannu, 3-1. Male est isposta sa gara de s’Ilvamaddalena ch’at perdidu in domo còntra Guidonia Montecelio, 0-3. Male meda pro s’Atletico Uri, chi pèrdet in domo sua, 1-2, còntra
Real Monterotondo. C.O.S. Sarrabus sighit a faghere bonos puntos, deris in domo de su Savoia 1908, iscuadra de su cabu ‘e subra de sa classifica 1-1 .
Mario Bua Capitta, Amistade
