agenzia-garau-centotrentuno

Sinnos dae su mundu de sa fùbbal sarda

Scopri il nostro canale su Telegramle-notizie-di-centotrentuno-su-telegram

Il racconto del weekend calcistico isolano in Limba Sarda a cura degli amici di Amistade.

Thatthari e Casteddu gherradores, Milano si pòdet buffàre
S’iscuadra at torradu a bogàre a pizu ideas, coro e identidade, comente mastru Nicola narat donzi die,in donzi logu e mastru Ranieri naraiat in s’antigòriu. E In su campu minadu milanesu, ambas sardas, capitales, no solu isportivas, una de su cabu ‘e subra s’àtera de sue giòsso, ant bogadu sa mattessi die s’atza de sos pastores, tribagliu chi accumonat totu sos populos de su mundu, in donzi tempus. Sos casteddajos ant remontàdu una gara, chi pariat perdida, cando unu campione comente Morata, at bìnchidu sa resistentzia de Caprile a su minutu 51. Mancu de chimbe minutos sun abbastados a sos gherradores pro si torrare a pesare a sa ritza: ancora Zortea at sinnadu pro sa cuarta borta cust’annu, semper ajuadu dae Felici. Duos pitzinnos in metzoru, chi paris cun Luvumbo, Caprile e àteros, donant bon’isperu pro su tempus bennidore. Guai a los pèrdere. Dominiga benit a Domus su Lecce. Beru chi mancat meda a sa fine, ma sa gara est deimportu mannu abbèru.

Sa Torres donàt chimbe ciàffos a su Milan Futuro, in dom’issoro
Sa chirca de sa pèrdida bàlia at donàdu bonos frutos…Fischnaller, Varela, Brentan, Mastinu, Casini…pro su Milan sinnat Magrassi a su minutu 86. Como sa Torres est terza, in cabu ‘e subra de sa classifica. Meda dipendet como dae sa continuidade chi s’iscuadra resessit a donarein tempus bennidore. B’at omines, assotziu e una bidda manna, tot’umpare si potet…e cando in campu b’at unu bomber comente Fischnaller, una rete est già fatta, prima de incomintzare a giogare.

Olbia torrat a bìnchere intro ‘e domo, su derby còntra sos tattharesos de su Latte Dolce.
Olbia cheret bìnchere pro si faghere amare dae sa idda sua, pro torrare impitu a sa raighina. A sa fine resessit, puru rischiende, e no pagu. Sa bìnchida 3-2 in su Bruno Nespoli, torrat a allumare s’isperu de una salvesa deretta, pro sos terranoesos, chi giompent a 19 puntos, lassende in-segus iscuadras comente Ilvamaddalena, Atletico Uri e Sarrabus Ogliastra, urtimos. Latte Dolce abbarrat in sa mesania a 26 puntos. Presente in tribuna Ragatzu. Ite cheret narrere?..

Mario Bua Capitta, Amistade

Notifiche
Avvisami se ci sono
guest
0 Commenti
Inline Feedbacks
Vedi tutti i commenti