agenzia-garau-centotrentuno

Sinnos dae su mundu de sa fùbbal sarda

Scopri il nostro canale su Telegramle-notizie-di-centotrentuno-su-telegram

Il racconto del weekend calcistico isolano in Limba Sarda a cura degli amici di Amistade.

Bon’incomìntzu de 2025 pro Casteddu: matzàdu su Monza
Oe potimus nàrrere, chi sos sardos no tìment lumbardos, né mannos e mancu minòres.Si potet bìnchere o pèrdere puru, semper cun coraggiu però e dignidade, comente omines beros…deo creo chi custu ammentat semper mastru Nicola. Tribagliare cun s’animu de sa bàlia connotta, ajuat sa sarvèsa, ma a pensare a su tempus bennidore puru. E tando, giogadores comente Piccoli, Felici, Luvumbo e àteros donant animu ‘onu a s’ìsperu. Subra issos tocàt de investire… E luego torramus a Milano, su Milan nou. Issos nos isetànt. Issos
imbiant in campu solu campiones fattos…sos pitzinnos los faghent creschere fatu a su logu, calcunu torrat àteros si perdent. Gigi Riva no est andadu a logu, Totti nemmancu. In domo si potet.

Olbia pèrdert s’ùrtimu tragetto
Sa bòccia est tunda, beru e totu potet galu capitàre, ma sa podda leàda in sa Maddalena, faghet pensare chi puru unu mastru de gabbale comente Ze Maria, incomintzat a dubitare de su destinu de sa barca terranoesa ingaliàda intro unu mare pagu connottu. Sos isolanos an donadu iscola (4-2) de comènte si potet salavare un’iscuadra, gratzias a s’atza e sa bàlia, chi naschent dae s’amore pro sa propria terra ( e mare…), gherrende cun onore e dignidade. Como benit su mercadu de bennartzu e carchi cosa si potet galu remediare, chena immentigare chi unu comente Ragatzu a sa sola, no potet bìnchere totu sos problemas.

Sa Torres abberit s’annu poddende su Pescara
Su 2025 nàrat a Tattha, chi su bisu e su progetu sou est andende innanti… Sos sardos bìnchent 1-0 cun meritu, còntra su Pescara capolista, donende aria noa a su cabu e subra. Como sos tattharesos potent abbaidare metzus su playoff, ma puru a sa promotzione derètta dae sa punta de su -2. Amus semper nadu chi no giuàt a s’illùdere, chena immentigare però sos valores de un’iscuadra chi ponnèt ideas a currere, cun giogadores de gabbale e unu mastru abbistu, comente Greco. E sa tzente torrat a applaudire…

Bona Teofania, Mario Bua Capitta, Amistade

Notifiche
Avvisami se ci sono
guest
0 Commenti
Inline Feedbacks
Vedi tutti i commenti