Il racconto del weekend calcistico isolano in Limba Sarda a cura degli amici di Amistade.
Casteddu chena benzina a Torino
Totu in unu s’iscuadra at pèrdidu àtza e ideas in sa gara pensada pro fuire dae su cabu ‘e giosso. Sos casteddajos ant immentigadu su coro in Sardigna, e solu Caprile at impedidu s’umiliàda in terra piemontesa. Pagas paraulas, Nudda ‘e ite narrere, s’isperu mannu chi siet solu una die iscura, comente capitat a totu in su mundu de sa bòcia. Lunis benit a Domus sa Lazio, occasione de riscattu. Ma un’àttera pèrdida potet abberrere s’aidu a su perigulu…
Sa Torres balàntzat unu puntu còntra Pineto
Sa brigada tattharesa dèvet e pòtet semper bìnchere ma sos abbruzzesos fint pagu cumbinchidos a donare tres puntos e a sos sardos e tando su pareggiu andat bene a totus. Puntu de oro si pensamus chi sa Torres abbarrat sola in su tertzu logu de sa classifica, ma s’Entella bolat a +7, si potet galu tènnere, guai a l’ogare ‘e cabu.
Olbia torràt a bìnchere intro ‘e domo, còntra s’Anzio
Olbia giòmpet a 22 puntos e s’accurtziat a sa mesania de sa classifica, s’orgoliu terranoesu, carradu dae piseddos amados, comente Biancu e Ragatzu, allumat s’orgogliu chi fit unu pagu màncadu in sas ùrtimas garas. Como tocat de tribagliare pro donare continuidade a sos resultados. Josè Marcelo Ferreira, connottu Zè Maria ischit comente faghere, S’isperu mannu de sa tzente est chi s’ierru iscuru potat lassare logu e un’eranu nou.
Mario Bua Capitta, Amistade