Sos sardos de Leandro Greco no resessint a iscravàre sa gara, finida 0-0.
No si potet narrere chi Olbia no appat onoradu s’impignu, dae su primu a sue minutu 95, ma Ancona puru no est accudida in Sardigna pro su pareggiu, e a narrere sa veridade, tuccant metzus sos istrantzos: Guadagni a su terzu minutu, Russu a su settimu e semper Guadagni a sue 14, proant a mintzidiare sa porta ‘e Rinaldi. Olbia torrat su colpu a su minutu 22, cando Contini fùit lestru a manca e donat una boccia galana in sa mesania de s’area, Dessena accoglit bene e isbatzinat a bolu, chena resessire a agatare sa porta, custa orta.
Tando toccat a Nanni a s’accurtziare a s’iscravamentu de sa gara: semper Contini a donare boccia in sa mesania de s’area istrantza, Nanni chircat sa porta tres bias in sa mantessi atzione, duas de pè e una ‘e conca, ma semper s’atzumbat a su muru de sa contra. S’arbitro donat duos minutos in pius, pro su recuperu, a su primu est Biancu ch’isbatzinat a cantu potet, ma sa boccia si perdet alta in s’aera. In su segundu tempus sighit su colpu torrat colpu, chena mai agatare sa porta però, pagos oriolos pro sos duos bardianos e tando unu puntigheddu intro sa bertula est metzus de nudda pro ambas icuadras. Pro ambas abbarrat però solu unu bisu: sa salvèsa, s’ateru est galu proibidu.
Mario Bua Capitta, Amistade
