Nudda ‘e ite faghere còntra sa Juventus Next Gen est mancada sa bisada continuidàde.
Dessena perdet boccia in sa mesania, Hasa puntat lestru sa porta, ma Rinaldi b’est. Fit su minutu 19, a sue 26 Olbia torrat su colpu cun Biancu, chi prima de conca e pustis cun su pè destru assuconat sa defesa ‘e domo. Sa Juventus cun Hasa e Yildiz a un’ala, s’Olbia cun Biancu e Cavuoti bi pròant, ma su primu est tempus de 0-0, e gasì isponet in su Moccagatta.
Su segundu tempus contat istorias novas, ma su giogu abbarrat meda in ecuilibru, semper colpu a colpu. Rinaldi faghet su meraculu subra s’isbatzinada de Guerra a sue 50, unu minuti in fatu, dae su pè de Cavuoti tuccat sa boccia pius galana de sa partida fintzas a tando, su cumbidu giompet a Ragatzu, chi chena bi pensare duas bias liberat cun su destru unu missile chi toccat sa rete dae foras, ma a su minutu 60 che colant sos biancosnieddos: In duos minutos Salifou abberit sa janna de Rinaldi duas bortas, gratzias a sa drommida manna de sa defesa sarda. Ragatzu bi proat a ischidare s’Olbia e sa minutu 65 istitulat una resoltzada velenosa chi Daffara, bardianu e domo, sarvat in corner. Sighint s’esempiu Cavuoti e pustis Nanni, chi a su minutu 70, reztit su cross galanu de Ragatzu e de conca unfiat sa rete ‘e domo: partida torra abberta in sue Moccagatta, ma no pro meda. Duos minutos in fatu s’arbitro bogat su segundu giallu pro Dessena: partida isposta e mancantzia pesuda pro sos sardos, chi sighint però a attaccare e cun Ragatzu e Cavuoti oriolant sa defesa Juventina. Sos biancosnieddos tuccant però in contropiede e a su minutu 94 bi pensat Mbangula a agabbare sa gara, binchende sa resitentzia de Rinaldi cun unu tocu e boccia bene fadadu.
Olbia binchida ma no cumbinchida, sos piseddos minores, chi sunt meda sunt totu creschende de resa e fattende esperientzia pretziosa, como pro sos sardos abbarrant duas partidas intro ‘e domo, totu in una chida, pro proare a sestare su carru e donare continuidade a su caminu.
Mario Bua Capitta – Amistade
