Nudda ‘e ite faghere pro sos sardos contra Perugia, terz’iscùadra de su girone.
Est su minutu 43, cando Paz accoglit unu cumbidu galanu donadu dae Lisi, che pigat a chelu e de conca sinnat sa segunda rete de s’annada sua de och’annu.
Custu e pagu àteru de contare, dae una partida frita de un’ierru nadu male, inue sos bardianos de su faru, giogant cun coro e carena, ma guasi mai resessint a atzendere sa lughe e a punghere cun un’atacu chi mancat de su Mastru, ca solu Ragatzu ( bintradu a su minutu 59, in logu de Mameli ) aiat potidu oriolare una defesa comente cussa umbra, iscuadra pensada pro che pigare in serie B. Ma unu comente Ragatzu puru, bisontzat de ajudu subra unu carru chi tiat devere accontzare barriu a Bennartzu.
Su terzu logu in classifica premiat sos umbros, lassende Olbia in sa zona e giosso, cussa iscura de su perigulu. Ma sas cosas poten galu mudare pro s’scuadra sarda, si merculis a serantina in su recuperu, ressessint a che colare Rimini chi dae sa mesania, nos abbaidat timende.
Mario Bua Capitta, Amistade
