Su timore de perdere frenat sa gana de ‘olare de sos sardos.
Gara de binchere chena mancari pro jumpare su riu de su perigulu pro sos olbiesos, gara de recuperu comente una metafora de remediu, sa chistione est una: ma b’amus proadu?
Seguru est solu chi su Rimini s’accurtziat de pius a sa rete: a su minutu 9 Rinaldi, bardianu pitzinnu putzone, ma superiore a sa serie C, cunfermat totu sa balentia connotta chi frimmat sa boccia cund’una parada impitende balia e istintu. Cuntzende su primu tempus bi pensat sa linna de su palu a salvare Olbia dae su 0-1. No potimus faeddare de malasorte.
Su tema no mudat meda in su segundu tempus, sos sardos chircant de ponnere sa briglia a su giogu, ma sa manovra est machinosa e donat pagos frutos. Tando s’iscudra romagnola profitat pro s’acurtziare a minetta a sa porta e domo: a sa fine unu puntigheddu paret balantzu onu pro sos bardianos de su faru.
Su campionadu est galu longu e b’est su tempus pro su remediu, sa pregunta narat però nodida: ite potimus faghere pro che ruere in s’inferru de su playout? E como toccat de preparare sas valigias pro tuccare a Pescara, cun pagu timore de ‘olare…Zeman docet.
Mario Bua Capitte, Amistade
