Sa ‘idda Pia de Giacomo Leopardi carrat su pessimismu in s’animu olbiesu.
E a narrere chi sa tuccada promittiat una die lughente pro sos sardos, chi faghent tremare sa defesa de domo pius de una olta: a su primu minutu Biancu accontzat su cross pro sa conca de Nanni, chi solu pro pagu no agatat sa porta de Meli. Duos minutos infàtu bi proat Ragatzu, cando còglit unu cumbidu galanu in area e isbatzinat a cantu potet. Su bardianu e domo si salvat cun su pè, subra sa respinta si lampat lestru Biancu chi faddit però s’abboju cun sa boccia e sa defesa potet gasì liberare.
Sa Recanatese cumprendet chi no potet burlare meda e incomintzat a leare in manu sas tramas de su giogu: Melchiorri a bolu agatat sa linna ‘e sa traversa a su minutu 34. Colant solu battor minutos, cando Lipari in atzione personale liberat a girare e sa boccia carignat sa linna ‘e s’incrociu. Rinaldi potet solu abbaidare.
Su segundu tempus sighit a caminare bilanciadu e sas iscuadras torrant dozi colpu, fintzas a cando Lipari donat unu cumbidu geniousu a Sbaffo, chi s’accontzat sa boccia e dae su limite ‘e s’area isbatzinat potente e pretzisu, binchende sa resistentzia de Rinaldi. 1-0. Est su minutu 71 e su goal mudat sa gara intrea. A sue 75 Ferretti sinnat su 2-0. Olbia no paret però cumbinchida e attacat a cantu potet. Dessena faghet frutare su corner de Biancu e de conca unfiàt sa rete: 2-1 e sa gara torrat abberta. Ma est solu un’illusione, Sbaffo in revessada torrat a binchere contra Rinaldi: 3-1. E no finit incue: Morrone iscradiat ma resessit a violare sa porta terranovesa un’àtera orta e cuntzat sa gara a su minutu 90.
Sa Recanatese s’accurtziat a su cabu e subra, Olbia ruet a giosso in sa zona ‘e su perigulu, ma su tempus pro su remediu est galu presente.
Mario Bua Capitta, Amistade
